يعنى ايه براند أتاك؟؟ – Brand Attack

Brand attack

البراند اللى اتبنى فى سنين، ممكن يتهد فى يوم!!! الانترنت دلوقتى بقى ساحة واسعة و السوشيال ميديا فعلياً سلاح ذو حدين… زى ما بتساعدك تروج للبراند ممكن تكون زى النار فى الهشيم لو اتمسك عليك غلطة و ده Brand Attack اللى بنسميه
او ممكن نقول حرب البراندات لو هنتكلم عن الشركات المنافسة لما تحاول تركب على البراند بتاعك او على حملة تسويقية ناجحة و ده بنشوفه كتير بين بيبسى و كوكاكولا – شركات الاتصالات و ان كانت موبينيل ما بتدخلش الحتة دى زى فودافون و اتصالات و كمان عندنا مساحيق الغسيل و ان كانوا مش مبدعين فيها!

أى شكوى او ريفيو ممكن تكون حقيقية و ممكن ما يكونش لها أى أساس من الصحة بس فى كل الأحوال لازم تتفاعل بسرعة و بطريقة ودية بعيداً عن االمشاعر  او الأراء الشخصية ” خد المشكلة عندك علشان تعرف تحلها” لأن لو معرفتش تتعامل معاها لصالح البراند بتاعك ممكن تأثيرها يكون مخيف على شركتك و ده هتشوفه على أرقام مبيعاتك

أول خطوة افهم مكانك فى السوق و جمهورك شايفك ازاى علشان تقابل توقعاته منك

Google alerts حاول تتابع البراند بتاعك على الانترنت انك تتبع اى منشن يحصل للبراند و ده سهل من خلال  
و ده هيبعتلك تنبيهات لأى محتوى يظهر على محرك بحث جوجل

حط استيراتيجية ازاى تتعامل مع الهجمات دى علشان تكون جاهز للمشكلة فور ظهورها

أى شكوى او كومنت سلبى ضرورى ترد عليه بسرعة لأن سرعة الإستجابة هنا بتعكس لعملائك قد ايه انت مهتم بيهم و خليك لطيف و انت بترد ما تحدفش طوب و اللى يقولك خليك صريح او خليك واضح و شفاف أقولك لأ… خليك ذكى و خفيف و اتعلم تلف الكلام

لو الشكوى حقيقية يبقى لازم توضح أبعاد القصة من ناحيتك و لو الشكوى متفبركة اطلب اى اثبات او معلومة توضح كدبه… فكر كويس قبل ما تمسح الكومنت من عندك و حاول تاخد المشكلة اوفلاين

من الأول لازم تكون متفاعل مع جمهورك بتوعك و تشاركهم اهتماماتهم لأن ده هيخلق لبراندك شعبية و رد فعل ايجابى بينهم

اسمع جمهورك كويس و اعرف مشاكلهم و اسمع مقترحاتهم لأن دى خطوة مهمة لدراسة السوق

البراند أتاك -Brand Attack
فعلا موضوع كبير و كل ما البراند بدأ اسمه فى السوق يكبر كل ما الهجمات هتزيد… خليك مستعد لأن ساعتها الوقت بيفرق فى حل المشكلة

Share this post with your friends

Share on facebook
Share on twitter
Share on linkedin
Share on whatsapp
Share on email

One thought on “يعنى ايه براند أتاك؟؟ – Brand Attack

  1. Yes, it is an important topic, thanks for your advice .

Leave a Comment

Your email address will not be published. Required fields are marked *